ZER DIRA LANERATZEKO ENPRESAK?

Gizarte-egoera ahulean dauden kolektiboei lan-merkatuan sartzen laguntzea helburu duten enpresak dira. Horretarako, kolektibo haiei denbora-aldi batean laguntzeaz gain, lanpostu batean aritzeko gaitzen dituzte.

Laneratzeko enpresek beren langileek gizarte-, lan- eta prestakuntza-trebetasunak hartzea sustatzen dute, lan-merkatu normalizatuan sartzeko beharrezkoak diren prestakuntza eta ezagutza profesionalak beregana ditzaten.

GIZARTERATZEN LAGUNTZEA

Laneratzeko enpresek laguntza-neurri pertsonalizatuak ematen dizkiete gizarteratze-bidean diren pertsonei:

Gizarte-zerbitzuen sarearekin koordinatzea: lan-poltsa bat sortuz, langile izan daitezkeenei lan-eskaintzak aurkeztuz eta gizarteratze-hitzarmen bat izenpetzeko akordioaren bidez.

• Lan Egitasmo Indibidualak egitea: pertsona bakoitzarekin zehaztu beharrekoa. Errealista, bideragarria eta ebaluagarria izan behar da.
• Prestakuntza-laguntza: trebakuntza teknikoa emateko programen eta prestakuntza osagarriaren bidez.
• Lanpostuan laguntzea: pertsonekin batera hainbat produkzio-lan egitea, lanerako, gizarteratzeko eta harremanak izateko gaitasunak hobe ditzaten.
• Gizarte-sustapeneko ekintzak: gizarte-akonpainamenduaren bidez, pertsonek beren bizi-egoera eta gizarte- eta komunitate-murgiltzea hobetze aldera.
• Laneko orientazioa, bitartekaritza eta segimendua ematea: Laneratzea ahalbidetuko duten ekintzak sustatuz.